ಬೆಂಗಳೂರು, ಸೆಪ್ಟೆಂಬರ್ 24, 2021 (www.justkannada.in): ತಮಿಳಿನಲ್ಲಿ ಸಾಕಷ್ಟು ಗಮನ ಸೆಳೆದ ’96’ ಚಿತ್ರ ಬಾಲಿವುಡ್ನತ್ತ ಹೊರಟಿದ್ದು, ಖ್ಯಾತ ನಿರ್ಮಾಪಕ ಅಜಯ್ ಕಪೂರ್ ಚಿತ್ರದ ಹಕ್ಕುಗಳನ್ನು ಪಡೆದಿದ್ದಾರೆ.
2018ರಲ್ಲಿ ಬಿಡುಗಡೆಯಾದ ವಿಜಯ್ ಸೇತುಪತಿ ಹಾಗೂ ತ್ರಿಷಾ ಜೋಡಿಯಾಗಿ ನಟಿಸಿದ್ದ ’96’ ಚಿತ್ರ ಸೂಪರ್ ಹಿಟ್ ಆಗಿತ್ತು. ಚಿತ್ರರಂಗಕ್ಕೆ ಹೊಸ ಮಾದರಿಯ ಪ್ರೇಮ ಕತೆಯನ್ನು ಕಟ್ಟಿಕೊಟ್ಟ ಈ ಚಿತ್ರಕ್ಕೆ ಎಲ್ಲರ ಮೆಚ್ಚುಗೆ ವ್ಯಕ್ತವಾಗಿತ್ತು.
ತೆಲುಗಿನಲ್ಲಿ ಸಮಂತಾ ಹಾಗೂ ಶರ್ವಾನಂದ್, ಕನ್ನಡದಲ್ಲಿ ಈ ಚಿತ್ರವನ್ನು ’99’ ಎಂಬ ಹೆಸರಿನಲ್ಲಿ ರಿಮೇಕ್ ಮಾಡಲಾಗಿತ್ತು. ಅದರಲ್ಲಿ ಗಣೇಶ್ ಹಾಗೂ ಭಾವನಾ ಕಾಣಿಸಿಕೊಂಡಿದ್ದರು. ಇದೀಗ ಬಾಲಿವುಡ್ ನತ್ತ ಚಿತ್ರ ಹೊರಟಿದೆ.
ಇದೀಗ ಈ ಚಿತ್ರ ಅಜಯ್ ಕಪೂರ್ ನಿರ್ಮಾಣದಲ್ಲಿ ಹಿಂದಿಯಲ್ಲೂ ತಯಾರಾಗಲಿದೆ. ಆದರೆ ಚಿತ್ರದ ಉಳಿದ ಮಾಹಿತಿಗಳನ್ನು ಅವರು ಬಿಟ್ಟುಕೊಟ್ಟಿಲ್ಲ. ಅದನ್ನು ಸದ್ಯದಲ್ಲೇ ತಿಳಿಸುವುದಾಗಿ ಅವರು ಮಾಹಿತಿ ನೀಡಿದ್ದಾರೆ.
key words: 96 movie will remake in hindi
