ವಿದ್ಯಾರ್ಥಿಗಳ ʼ ಸ್ಟಾರ್ಟ್ ಅಪ್ ʼ  ಪ್ರೋತ್ಸಾಹಿಸಲು ಯೋಜನೆ :  ವಿಟಿಯು ಕುಲಪತಿ ಪ್ರೊ.ವಿದ್ಯಾಶಂಕರ್.

ಬೆಳಗಾವಿ, May.07, 2024: (www.justkannada.in news )  ವಿಟಿಯು ಮತ್ತು ಅದರ ಸಂಬಂಧಿತ ಕಾಲೇಜುಗಳ ವಿದ್ಯಾರ್ಥಿಗಳಿಗೆ,  ಉದಯೋನ್ಮುಖ ಉದ್ಯಮಿಗಳಿಂದ ಮಾರ್ಗದರ್ಶನ, ಮಾರುಕಟ್ಟೆ ಪ್ರವೇಶ ಮತ್ತು ಹೂಡಿಕೆದಾರರನ್ನು ಸಂಪರ್ಕಿಸುವ ದೃಷ್ಟಿಕೋನದೊಂದಿಗೆ ವಿಶ್ವೇಶ್ವರಯ್ಯ ರಿಸರ್ಚ್ ಅಂಡ್ ಇನ್ನೋವೇಶನ್ ಫೌಂಡೇಶನ್ (ವಿಆರ್ ಐಎಫ್) ಸ್ಥಾಪನೆ ಮಾಡಲಾಗಿದೆ.

ಏಷ್ಯಾದ ಪ್ರಮುಖ ವಿಶ್ವವಿದ್ಯಾಲಯ ಮತ್ತು ಕರ್ನಾಟಕ ರಾಜ್ಯದ ಏಕೈಕ ತಾಂತ್ರಿಕ ವಿಶ್ವವಿದ್ಯಾಲಯವಾದ ಬೆಳಗಾವಿಯ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯದ (Visvesvaraya Technological University- VTU) ಕುಲಪತಿ ಪ್ರೊ. ವಿದ್ಯಾಶಂಕರ್ ಅವರು “ ಜಸ್ಟ್‌ ಕನ್ನಡ “  ಜತೆ ಮಾತನಾಡಿ ಈ ಬಗ್ಗೆ ಮಾಹಿತಿ ನೀಡಿದರು.

ವಿಟಿಯು ಅಡಿಯಲ್ಲಿ ವಿದ್ಯಾರ್ಥಿಗಳಿಂದ ಸ್ಟಾರ್ಟ್ ಅಪ್ ಗಳನ್ನು ಪ್ರೋತ್ಸಾಹಿಸುವ ಸಲುವಾಗಿ ಈ ಹೆಜ್ಜೆ ಇಡಲಾಗಿದೆ. ಇದಕ್ಕೆ ಪೂರಕವಾಗಿ ಅನೇಕ ಪ್ರಮುಖ ಕಂಪನಿಗಳ ಜತೆಗೆ ತಿಳುವಳಿಕಾ ಒಡಂಬಡಿಕೆ ಮಾಡಿಕೊಳ್ಳಲಾಗಿದೆ ಮತ್ತು ಕೈಗಾರಿಕೆಗಳ ಸಹಯೋಗದೊಂದಿಗೆ ವಿಟಿಯು ಅಡಿಯಲ್ಲಿ ಉತ್ಕೃಷ್ಟತಾ ಕೇಂದ್ರ  ಸ್ಥಾಪಿಸಲಾಗಿದೆ ಎಂದರು.

ಕೌಶಲ್ಯ ಅಭಿವೃದ್ಧಿ ಕಾರ್ಯಕ್ರಮ ಮತ್ತು ಎನ್ಎಸ್ಡಿಸಿ ಪ್ರಮಾಣೀಕರಣದ ಅಡಿಯಲ್ಲಿ ಸಂಯೋಜಿತ ಸಂಸ್ಥೆಗಳ ವಿದ್ಯಾರ್ಥಿಗಳಿಗೆ ತರಬೇತಿ ನೀಡಲು ವಿಟಿಯು ಪ್ರಮುಖ ತರಬೇತಿ ಸಂಸ್ಥೆಯಾದ “ ಆಸ್ಪೈರ್ ನಾಲೆಡ್ಜ್ ಅಂಡ್ ಸ್ಕಿಲ್ಸ್ ಇಂಡಿಯಾ ಪ್ರೈವೇಟ್ ಲಿಮಿಟೆಡ್‌ “ ಜತೆಗೆ ತಿಳುವಳಿಕಾ ಒಡಂಬಡಿಕೆಗೆ ಸಹಿ ಹಾಕಿದೆ.

ವಿಟಿಯುನ ಪ್ರತಿ ಕಾಲೇಜಿನ ಸುಮಾರು 240 ವಿದ್ಯಾರ್ಥಿಗಳಿಗೆ ಈ ಕಾರ್ಯಕ್ರಮದಡಿ ಪ್ರತಿ ವರ್ಷ ಉಚಿತವಾಗಿ ತರಬೇತಿ ನೀಡಲಾಗುತ್ತಿದೆ. ಆ ಮೂಲಕ ಅವರನ್ನು ಯಶಸ್ವಿ ಉದ್ಯಮಿಯಾಗಿ ಮಾರುಕಟ್ಟೆಗೆ ಸಜ್ಜುಗೊಳಿಸುವುದು ಉದ್ದೇಶ ಎಂದರು.

• ಬೆಳಗಾವಿಯ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯದ (ವಿಟಿಯು) ಕುಲಪತಿಯಾಗಿ ಪ್ರೊ. ವಿದ್ಯಾಶಂಕರ್‌ ಅವರ ಸಾಧನೆಗಳು ಹೀಗಿವೆ.

ವಿಟಿಯು ಕಾರ್ಯಪಡೆ ಮತ್ತು ಅಧ್ಯಯನ ಮಂಡಳಿಗಳ ಶಿಫಾರಸುಗಳ ಆಧಾರದ ಮೇಲೆ ಎಂಜಿನಿಯರಿಂಗ್ ಶಿಕ್ಷಣದಲ್ಲಿ ವಿಟಿಯುನಲ್ಲಿ ಹೊಸ ಶಿಕ್ಷಣ ನೀತಿ – 2020 ಅನ್ನು ಅದರ ನಿಜವಾದ ಉತ್ಸಾಹದಲ್ಲಿ ಜಾರಿಗೆ ತರಲು ಕ್ರಮಗಳನ್ನು ಕೈಗೊಳ್ಳಲಾಗಿದೆ.

ಎನ್ಇಪಿ -2020 ರ ಅನ್ವಯದಂತೆ 2022-23 ರ ಶೈಕ್ಷಣಿಕ ವರ್ಷದಿಂದ ಎಲ್ಲಾ ಕಾರ್ಯಕ್ರಮಗಳ ಯೋಜನೆ ಮತ್ತು ಪಠ್ಯಕ್ರಮವನ್ನು ಪರಿಷ್ಕರಿಸಲಾಗಿದೆ. ವಿಟಿಯುನ ಯೋಜನೆ ಮತ್ತು ಪಠ್ಯಕ್ರಮದಲ್ಲಿ ಬಹುಶಿಸ್ತೀಯ / ಅಂತರಶಿಸ್ತೀಯ ವಿಧಾನವನ್ನು ಜಾರಿಗೆ ತರಲಾಗಿದೆ.

ವಿಟಿಯು (Visvesvaraya Technological University – VTU)ಅನ್ನು ಬಹುಶಿಸ್ತೀಯ ವಿಶ್ವವಿದ್ಯಾಲಯವಾಗಿ ಪರಿವರ್ತಿಸುವ ನಿಟ್ಟಿನಲ್ಲಿ ಪ್ರಯತ್ನ ನಡೆಯುತ್ತಿದೆ.

ವಿಟಿಯು ದೇಶದಲ್ಲಿ ಆನ್ ಲೈನ್ ತಾಂತ್ರಿಕ ಕಾರ್ಯಕ್ರಮಗಳನ್ನು ಪರಿಚಯಿಸಿದ ಮೊದಲ ಸಾರ್ವಜನಿಕ ತಾಂತ್ರಿಕ ವಿಶ್ವವಿದ್ಯಾಲಯವಾಗಿದೆ.

ಕೊನೆಯ ಪರೀಕ್ಷೆಯ 7 ದಿನಗಳ ಒಳಗೆ ದಾಖಲೆ ಸಮಯದಲ್ಲಿ ಫಲಿತಾಂಶಗಳನ್ನು ಘೋಷಿಸುವುದು. ವಾಟ್ಸಾಪ್ ಮೂಲಕ ವಿದ್ಯಾರ್ಥಿಗಳಿಗೆ ಫಲಿತಾಂಶಗಳನ್ನು ಒದಗಿಸಿದ ಮೊದಲ ವಿಶ್ವವಿದ್ಯಾಲಯ ವಿಟಿಯು.

ವಿವಿಧ ಸರ್ಕಾರಿ ಯೋಜನೆಗಳೊಂದಿಗೆ ವಿಟಿಯು ಕೌಶಲ್ಯ ಅಭಿವೃದ್ಧಿ ಕೇಂದ್ರಗಳ ಅಭಿವೃದ್ಧಿಯ ಜವಾಬ್ದಾರಿ ನಿರ್ವಹಿಸುತ್ತಿದೆ. ಈ ಕೇಂದ್ರಗಳಲ್ಲಿ ಎಸ್ ಎಸ್ ಎಲ್ ಸಿ ಉತ್ತೀರ್ಣರಾದವರು ಮತ್ತು ಇತರರು ಸೇರಿದಂತೆ ಸುಮಾರು 2500 ಅಭ್ಯರ್ಥಿಗಳಿಗೆ ತರಬೇತಿ ನೀಡಲಾಗಿದೆ. ವಿಟಿಯುನಲ್ಲಿ ಜಾಗತಿಕ ಕ್ಯಾಂಪಸ್ ಸ್ಥಾಪನೆ ಮಾಡಲಾಗಿದೆ.

ಒಡಂಬಡಿಕೆಗೆ ಸಹಿ :

ಕುಲಪತಿ ಪೊ.ವಿದ್ಯಾಶಂಕರ್‌  (VIDYASHANKAR. S) ಅವರ ನೇತೃತ್ವದಲ್ಲಿ,  ನೆಸ್ಲಿಂಗ್ಸ್ ನೊಂದಿಗೆ ಒಡಂಬಡಿಕೆಗೆ ಸಹಿ ಹಾಕಲಾಗಿದೆ. ಆಸಕ್ತ ವಿದ್ಯಾರ್ಥಿಗಳು ವಿಟಿಯು ಪಠ್ಯಕ್ರಮದ ಜೊತೆಗೆ ವಿದೇಶಿ ವಿಶ್ವವಿದ್ಯಾಲಯಗಳ ಕೋರ್ಸ್ ಗಳನ್ನು ಅಧ್ಯಯನ ಮಾಡಲು ಮತ್ತು ವಿದೇಶಗಳಲ್ಲಿ ಇಂಟರ್ನ್ ಶಿಪ್ ಮಾಡಲು ಅನುವು ಮಾಡಿಕೊಡಲಾಗಿದೆ.

2022 ರ ಬ್ಯಾಚ್ ವಿದ್ಯಾರ್ಥಿಗಳಿಗೆ 7 ಮತ್ತು 8 ನೇ ಸೆಮಿಸ್ಟರ್ಗಳಲ್ಲಿ ತರಬೇತಿ ಮತ್ತು ಪ್ರಾಜೆಕ್ಟ್ ವರ್ಕ್ ಅನ್ನು ಪರಿಚಯಿಸುವ ಮೂಲಕ ಬಿಇ ಕಾರ್ಯಕ್ರಮದ ಪಠ್ಯಕ್ರಮದಲ್ಲಿ ಕ್ರಾಂತಿಕಾರಿ ಬದಲಾವಣೆ ತರಲಾಗಿದೆ.

key words :  Dr. Vidyashankar,  Vice Chancellor ,  Visvesvaraya Technological University, VTU, Achievements

SUMMARY: 

Dr. Vidyashankar is the present Vice Chancellor of Visvesvaraya Technological University, Belagavi, a leading University in Asia and  the only technical university in the state of Karnataka, taking charge of the position in September  2022.

Achievements as the Vice Chancellor of Visvesvaraya Technological University(VTU), Belagavi (Sep.2022 onwards till date)

Establishment of Visvesvaraya Research and Innovation Foundation(VRIF) a Section-8 Company under VTU, with a vision to provide mentorship, Market access and connecting the investors to budding entrepreneurs who are students of VTU and its associated colleges. Thus encouraging Start-ups by the students under VTU.

VTU has signed an MOU with Aspire Knowledge and Skills India Pvt. Ltd., a leading Training Institute, for conducting Skill Development programme and training the students of our affiliated Institutes under NSDC Certification. About 240 students of each college of VTU are being trained every year under this programme, free of cost.