ಬೆಂಗಳೂರು, ಆಗಸ್ಟ್ 20, 2020 (www.justkannada.in): ಮಾಜಿ ಸಚಿವ ಹಾಗೂ ದರ್ಶನ್ ಅವರ ಸ್ನೇಹಿತ ವಿನಯ್ ಕುಲಕರ್ಣಿ ಅವರ ತೋಟದಲ್ಲಿ ಎತ್ತಿನ ಸವಾರಿ ಮಾಡಿದ ದರ್ಶನ್ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ.
ಹೌದು. ನಟ ದರ್ಶನ್ ಇತ್ತೀಚಿಗೆ ತಮ್ಮ ಸ್ನೇಹಿತ ವಿನಯ್ ಕುಲಕರ್ಣಿ ಅವರ ಮನೆಗೆ ಭೇಟಿ ನೀಡಿದ್ದರು. ಜೊತೆಗೆ ಅವರ ತೋಟದಲ್ಲಿದ್ದ ಎತ್ತಿನ ಬಂಡಿ ಏರಿ ಅಲ್ಲಿನ ರಸ್ತೆಗಳಲ್ಲಿ ಅಡ್ಡಾಡಿದ್ದರು.
ವಿನಯ್ ಕುಲಕರ್ಣಿ ಅವರ ಮನೆಯಿಂದ ಬಂದ ನಂತರ, ದರ್ಶನ್ ತಮ್ಮ ತೋಟಕ್ಕೆ ಎರಡು ಎತ್ತುಗಳನ್ನು ತರಿಸಿದ್ದಾರಂತೆ. ಅಂದಹಾಗೆ ಈಗಾಗಲೇ ತೋಟದ ಮನೆಯಲ್ಲಿ ಹಸುಗಳು, ಕುದುರೆ, ನಾಯಿ, ಪಕ್ಷಿ ಹೀಗೆ ಹಲಾವರು ಜೀವಿಗಳನ್ನು ಸಾಕಿಕೊಂಡಿದ್ದಾರೆ ದರ್ಶನ್.
