ಬೆಂಗಳೂರು,ನವೆಂಬರ್,21,2020(www.justkannada.in): ಬೆಂಗಳೂರಿನ ಸಿಟಿ ಮಾರ್ಕೆಟ್ ಠಾಣಾ ಪೊಲೀಸರು ಭರ್ಜರಿ ಚಿನ್ನಾಭರಣ ಬೇಟೆಯಾಡಿದ್ದು 6.ಕೆ.ಜಿ ಚಿನ್ನಾಭರಣ ಜಪ್ತಿ ಮಾಡಿ ಇಬ್ಬರ ಆರೋಪಿಗಳನ್ನ ಬಂಧಿಸಿದ್ದಾರೆ.
ದಲ್ಬತ್ ಸಿಂಗ್ ಮತ್ತು ವಿಕಾಶ್ ಬಂಧಿತರು. ಬಂಧಿತರಿಂದ 6.ಕೆ.ಜಿ 55 ಗ್ರಾಂ ಚಿನ್ನಾಭರಣವನ್ನ ಸಿಟಿ ಮಾರ್ಕೆಟ್ ಠಾಣಾ ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಇಬ್ಬರು ಆರೋಪಿಗಳು ಕಾರಿನಲ್ಲಿ ಚಿನ್ನಾಭರಣ ಸಾಗಿಸುತ್ತಿದ್ದರು. ಈ ವೇಳೆ ನೈಟ್ ಬೀಟ್ ಪೊಲೀಸರು ಪರಿಶೀಲಸಿದ್ದು, ಇದನ್ನ ಕೋಟೆಡ್ ಗೋಲ್ಡ್ ಎಂದು ಆರೋಪಿಗಳು ಸುಳ್ಳು ಹೇಳಿದ್ದರು.
ಈ ಬಗ್ಗೆ ಪೊಲೀಸರು ಪರಿಶೀಲನೆ ನಡೆಸಿದಾಗ ಅಸಲಿ ಚಿನ್ನಾಭರಣ ಎಂದು ಪತ್ತೆಯಾಗಿದೆ. ಬ್ಯಾಗ್ ನಲ್ಲಿ 65 ನಕ್ಲೇಸ್, 7 ಜತೆ ಬಳೆ, 150 ಗ್ರಾಂ ಓಲೆ ಪತ್ತೆಯಾಗಿದ್ದು ಅವುಗಳನ್ನ ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಕೊರಿಯರ್ ಮೂಲಕ ಆರೋಪಿಗಳು ಚಿನ್ನಾಭರಣ ತರಿಸಿದ್ದರು ಎನ್ನಲಾಗಿದೆ.
ಈ ಸಂಬಂಧ ಸಿಟಿ ಮಾರ್ಕೆಟ್ ಠಾಣೆಯ ಇನ್ಸ್ ಪೆಕ್ಟರ್ ತನಿಖೆ ನಡೆಸುತ್ತಿದ್ದು ಈ ಕುರಿತು ಮತ್ತಷ್ಟು ವಿವರಗಳು ಹೊರಬರಬೇಕಿದೆ.
Key words: Bangalore- Police – 6.KG-gold- sieze- arrest-tow
