ಮೈಸೂರು, ನ.07,2024: (www.justkannada.in news) ನಟ ಕಂ ಬಿಜೆಪಿ ಮುಖಂಡ ಜಗ್ಗೇಶ್ ಗ್ರಹಚಾರ ಚೆನ್ನಾಗಿಲ್ಲ ಅನಿಸುತ್ತೆ. ಏನೇ ಮಾಡಿದ್ರು ಅದು ಹುಡಿಕೊಂಡು ಬಂದು ಬುಡವನ್ನೇ ಸುತ್ತಿಕೊಳ್ಳುತ್ತಿದೆ.
ನಟ ಜಗ್ಗೇಶ್ ಅವರು ನಿರ್ದೇಶಕ ಗುರುಪ್ರಸಾದ್ ಅವರ ಸಾವಿನ ಬಗ್ಗೆ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ ನಂತರ, ಈ ವಿಚಾರದಲ್ಲಿ ವಿವಾದ ಉಂಟಾಯಿತು. ಗುರುಪ್ರಸಾದ್, ಪ್ರಸಿದ್ಧ ಕನ್ನಡ ಚಿತ್ರ ನಿರ್ದೇಶಕನಾಗಿ ಜನಪ್ರಿಯವಾಗಿದ್ದು, ಮಠ ಹಾಗೂ ಎದ್ದೇಳು ಮಂಜುನಾಥ ಚಿತ್ರದ ಮೂಲಕ ಜಗ್ಗೇಶ್ ಅವರ ಜೊತೆ ಕೆಲಸ ಮಾಡಿದ್ದರು. ಈ ಚಿತ್ರಗಳು ಜಗ್ಗೇಶ್ ಗೆ ಹೊಸ ಇಮೇಜ್‌ ತಂದುಕೊಟ್ಟಿದ್ದವು.
ಜಗ್ಗೇಶ್ ಅವರ ಪ್ರಕಾರ, ಗುರುಪ್ರಸಾದ್ ಕೆಲವು ಸಂದರ್ಭಗಳಲ್ಲಿ ತಮ್ಮ ವಿರುದ್ಧ ರಾಜಕೀಯ ಹಾಗೂ ವೈಯಕ್ತಿಕ ದ್ವೇಷವನ್ನು ಪ್ರದರ್ಶಿಸುತ್ತಿದ್ದನೆಂದು ಹೇಳಿದ್ದಾರೆ. ಇತ್ತೀಚೆಗೆ, ಜಗ್ಗೇಶ್ ತಮ್ಮ ಹೊಸ ಚಿತ್ರ ರಂಗನಾಯಕ ಬಗ್ಗೆ ಮಾತನಾಡಿದ ವೇಳೆ, ಗುರುಪ್ರಸಾದ್ ಅವರ ಪೈಕಿ ಇರುವ ವೈಯಕ್ತಿಕ ಕಠಿಣ ಅನುಭವಗಳನ್ನು ಉಲ್ಲೇಖಿಸಿದರು.
ಈ ಹೇಳಿಕೆಗಳು ಸಮಾಜದಲ್ಲಿ ಅತಿಯಾಗಿ ಚರ್ಚೆಗೆ ಗ್ರಾಸವಾಗಿದ್ದು, ಹಲವರ ಅಸಮಾಧಾನವನ್ನು ಉಂಟುಮಾಡಿವೆ. ಜಗ್ಗೇಶ್ ಹೇಳಿಕೆ ನೀಡಿದ ನಂತರ, ಗುರುಪ್ರಸಾದ್ ಅವರ ಕುಟುಂಬ ಹಾಗೂ ಅಭಿಮಾನಿಗಳು ಈ ಮಾತುಗಳನ್ನು ಮುಜುಗರಕ್ಕೆ ಕಾರಣವಾಗಿದೆ ಎಂದು ಹೇಳಿದ್ದಾರೆ, ವಿಶೇಷವಾಗಿ ನಟ ಹುಚ್ಚ ವೆಂಕಟ್ ಕೂಡ ಈ ಬಗ್ಗೆ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಇದೀಗ ಜಗ್ಗೇಶ್ ಈ ಬೆಳವಣಿಗೆಗೆ ಪೂರಕವಾಗಿ ಆನೆ ಮತ್ತು ಶ್ವಾನಗಳ ಫೋಟೋ ಹಾಕಿ ಟ್ವೀಟ್‌ ಮಾಡಿದ್ದರು. ಆನೆ ನಡೆಯುವಾಗ ನಾಯಿ ಬೊಗಳುವುದು ಸಹಜ. ಇದಕ್ಕೆ ತಲೆ ಕೆಡೆಸಿಕೊಳ್ಳಬಾರದು ಎಂದು ತಮಗೆ ತಾವೇ ಸಮಜಾಯಿಷಿ ನೀಡಿಕೊಂಡಿದ್ದರು.
ಪಾಪಾ, ದುರಾದೃಷ್ಠ ಅಂದ್ರೆ ಜಗ್ಗೇಶ್ ಅವರ ಪೋಸ್ಟ್‌ ಸಹ ಟ್ರೋಲ್ಲರ್‌ ಗಳ ಕೆಂಗಣ್ಣಿಗೆ ಗುರಿಯಾಗಿದೆ. ಮಠ ಗುರುಪ್ರಸಾದ್ ಅವರನ್ನು ಇಷ್ಟು ಪಡುವ ಕನ್ನಡ ಸಿನಿ ಪ್ರೇಮಿಗಳು ಇಲ್ಲೂ ಜಗ್ಗೇಶ್ ಅವರನ್ನು ಗೋಳಾಕಿಕೊಂಡಿದ್ದಾರೆ.
ಜಗ್ಗೇಶ್ ನೀವ್‌ ಹಾಕಿರುವ ಚಿತ್ರದಲ್ಲಿ ಆನೆ ಮುಂದಿರುವುದು ಜುಜುಬಿ ನಾಯಿಗಳಲ್ಲ, “ ಹೈನಾಗಳು” . ಇವು ಹುಲಿ, ಸಿಂಹಗಳನ್ನೇ ಬೆದರಿಸಿ ಓಡಿಸುತ್ತವೆ ಎಂದು ಕಾಲೆಳೆದಿದ್ದಾರೆ.
ಮತ್ತೊಬ್ಬರು, ಚಿತ್ರದಲ್ಲಿನ ನಾಯಿಗಳ ಗುಂಪಿನಲ್ಲಿ ನೀವ್‌ ಎಲ್ಲಿದ್ದೀರಾ ಜಗ್ಗೇಶ್ ಎಂದು ಕಿಚಾಯಿಸಿದ್ದಾರೆ.
key words: Actor, BJP leader Jaggesh, trolled, netizens
Actor come BJP leader Jaggesh trolled by netizens
