ಬೆಂಗಳೂರು:ಜುಲೈ-21: ದಾಳಿಂಬೆ ಬೆಳೆ ಹಾನಿಯಾಗಿ ನಷ್ಟ ಹೊಂದಿದ ರೈತನಿಗೆ ಬೆಳೆವಿಮೆ ಇದ್ದರೂ ಹಣ ನೀಡದ ಖಾಸಗಿ ಬ್ಯಾಂಕ್ಗೆ 15 ಸಾವಿರ ರೂ. ದಂಡ ವಿಧಿಸಿದ ಗ್ರಾಹಕ ನ್ಯಾಯಾಲಯ, ವಿಮೆ ಮೊತ್ತ 2,45,600 ರೂ. ಪಾವತಿಸುವಂತೆ ಸೂಚಿಸಿದೆ.
ಚಳ್ಳಕೆರೆ ತಾಲೂಕಿನ ರುದ್ರಮುನಿ ರೆಡ್ಡಿ ಎಂಬುವರು ಕಾಟನ ದೇವರಕೋಟೆ ಗ್ರಾಮ ದಲ್ಲಿ 6 ಎಕರೆ ಪ್ರದೇಶದಲ್ಲಿ ದಾಳಿಂಬೆ ಬೆಳೆದಿದ್ದರು. ಈ ಬೆಳೆಗೆ ಚಿತ್ರದುರ್ಗದ ಖಾಸಗಿ ಬ್ಯಾಂಕ್ನ ಬ್ರಾ್ಯಂಚ್ನಲ್ಲಿ ವಿಮೆ ಮಾಡಿಸಿದ್ದರು. ಬ್ಯಾಂಕ್ನ ಮುಖ್ಯ ಕಚೇರಿ ಬೆಂಗಳೂರಿನಲ್ಲಿದೆ. ಕಳೆದ ಸಾಲಿನಲ್ಲಿ ಪ್ರಕೃತಿ ವಿಕೋಪದಿಂದ ದಾಳಿಂಬೆ ಬೆಳೆ ನಾಶವಾದ ಹಿನ್ನೆಲೆಯಲ್ಲಿ ಪರಿಹಾರ ಹಣಕ್ಕಾಗಿ ಬೆಳೆವಿಮೆಗೆ ಸಂಬಂಧಿಸಿದ ದಾಖಲೆಗಳನ್ನು ಬ್ಯಾಂಕ್ಗೆ ಸಲ್ಲಿಸಿದ್ದರು.
ನ್ಯಾಯಾಲಯದಲ್ಲಿ ಹೋರಾಟ: ಕೆಲ ತಿಂಗಳು ಕಳೆದರೂ ಬ್ಯಾಂಕ್ನಿಂದ ಹಣ ಬಂದಿಲ್ಲ. ಮನವಿ ಮಾಡಿದರೂ ಅಧಿಕಾರಿಗಳು ವಿಮೆ ಹಣ ನೀಡಲು ಹಿಂದೇಟು ಹಾಕಿದ್ದರಿಂದ ಚಿತ್ರದುರ್ಗದ ಗ್ರಾಹಕರ ನ್ಯಾಯಾಲಯಕ್ಕೆ ರುದ್ರಮುನಿ ದೂರು ನೀಡಿದ್ದರು. ವಿಮೆ ಪಡೆಯಲು ರೈತ ಅರ್ಹತೆ ಹೊಂದಿದ್ದರೂ ನೀಡದಿರುವುದು ಕಂಡುಬಂದಿದ್ದು, ವಿಚಾರಣೆಗೆ ಹಾಜರಾಗುವಂತೆ ಬ್ಯಾಂಕ್ಗೆ ನ್ಯಾಯಾಲಯ ನೋಟಿಸ್ ಜಾರಿ ಮಾಡಿತ್ತು. ಆದರೆ, ಬ್ಯಾಂಕ್ ಸಿಬ್ಬಂದಿ ನ್ಯಾಯಾಲಯಕ್ಕೆ ಗೈರಾಗಿದ್ದರು.
ವಿಮೆ ನೀಡಲು ಸೂಚನೆ
ಒಂದು ಬ್ಯಾಂಕ್ನಲ್ಲಿ ರೈತ ಬೆಳೆ ವಿಮೆ ಕಟ್ಟಿ ಅತಿವೃಷ್ಟಿ ಹಾಗೂ ಅನಾವೃಷ್ಟಿಯಿಂದ ಬೆಳೆ ನಾಶವಾದರೆ ವಿಮೆ ಮೊತ್ತದ ಶೇ.80 ಪರಿಹಾರ ಕೊಡುವುದು ಬ್ಯಾಂಕ್ನ ಕರ್ತವ್ಯ. ಈ ಹಿನ್ನೆಲೆಯಲ್ಲಿ ರುದ್ರಮುನಿಗೆ ಬೆಳೆ ನಷ್ಟದ ಮೊತ್ತ 2,45,600 ರೂ.ಗಳನ್ನು ವಾರ್ಷಿಕ ಶೇ.9 ಪ್ರಮಾಣದ ಬಡ್ಡಿಯೊಂದಿಗೆ ನೀಡಬೇಕು. ಇವರು ಮಾನಸಿಕವಾಗಿ ನೊಂದಿರುವುದಕ್ಕೆ 10 ಸಾವಿರ ರೂ. ಪರಿಹಾರ ಹಾಗೂ ವ್ಯಾಜ್ಯದ ಖರ್ಚು-ವೆಚ್ಚ 5 ಸಾವಿರ ರೂ. ನೀಡುವಂತೆ ಬ್ಯಾಂಕ್ಗೆ ನ್ಯಾಯಾಲಯ ಸೂಚಿಸಿದೆ.
ಕೃಪೆ:ವಿಜಯವಾಣಿ
