ಬೆಂಗಳೂರು,ಸೆಪ್ಟಂಬರ್,27,2024 (www.justkannada.in): ಡಾ. ಮೋಹನ್ ಸಿ.ಡಿ. ಹಿರಿಯ ವಿಜ್ಞಾನಿ, ಸಿಎಸ್‌ಐಆರ್-ಇಂಡಿಯನ್ ಇನ್‌ ಸ್ಟಿಟ್ಯೂಟ್ ಆಫ್ ಟಾಕ್ಸಿಕಾಲಜಿ ರಿಸರ್ಚ್ (ಸಿಎಸ್‌ಐಆರ್-ಐಐಟಿಆರ್), ಲಕ್ನೋ ಅವರಿಗೆ ಲೈಫ್ ಸೈನ್ಸಸ್ ಕ್ಷೇತ್ರದಲ್ಲಿ 2022 ನೇ ಸಾಲಿನ ಸರ್ ಸಿ ವಿ ರಾಮನ್ ಯುವ ವಿಜ್ಞಾನಿಗಳ ರಾಜ್ಯ ಪ್ರಶಸ್ತಿಯನ್ನು ಕರ್ನಾಟಕ ರಾಜ್ಯ ವಿಜ್ಞಾನ ಮತ್ತು ತಂತ್ರಜ್ಞಾನ ಮಂಡಳಿ (KSCST), ಕರ್ನಾಟಕ ಸರ್ಕಾರ ಇಂದ ನೀಡಲಾಗಿದೆ.
ವಿಜ್ಞಾನದಲ್ಲಿ ಅತ್ಯುತ್ತಮ ಕೊಡುಗೆ ನೀಡಿದ ವಿಜ್ಞಾನಿಗಳಿಗೆ ಈ ಪ್ರಶಸ್ತಿಯನ್ನು ನೀಡಲಾಗುತ್ತದೆ. ಪ್ರಶಸ್ತಿಯು ಪ್ರಶಸ್ತಿ ಪತ್ರ, ರೂ. 1,00,000/- (ಒಂದು ಲಕ್ಷ ರೂಪಾಯಿಗಳು), ಸ್ಮರಣಿಕೆ ಮತ್ತು ಪ್ರಶಸ್ತಿ ಪತ್ರ.
ಪ್ರಶಸ್ತಿ ಪ್ರದಾನ ಸಮಾರಂಭವು 26 ಸೆಪ್ಟೆಂಬರ್ 2024 ರಂದು ಬೆಂಗಳೂರಿನ ಭಾರತೀಯ ವಿಜ್ಞಾನ ಸಂಸ್ಥೆ (IISc) ಜೆಎನ್ ಟಾಟಾ ಆಡಿಟೋರಿಯಂನಲ್ಲಿ ನಡೆಯಿತು. ಸಿಎಂ ಸಿದ್ದರಾಮಯ್ಯ ಅವರು ಪ್ರಶಸ್ತಿಯನ್ನು ಭಾರತ ರತ್ನ ಸಿಎನ್‌ ಆರ್ ರಾವ್, ಸಣ್ಣ ನೀರಾವರಿ, ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವ ಎನ್.ಎಸ್.ಬೋಸರಾಜು, ಇಸ್ರೋ ಮಾಜಿ ಅಧ್ಯಕ್ಷ ಡಾ. ಎ.ಎಸ್. ಕಿರಣ್ ಕುಮಾರ್, ಐ.ಎ.ಎಸ್. (ಸರ್ಕಾರದ ಕಾರ್ಯದರ್ಶಿ) ಡಾ. ಎಕ್ರೂಪ್ ಕೌರ್, ಪ್ರೊ. ಗೋವಿಂದನ್ ರಂಗರಾಜನ್ (ನಿರ್ದೇಶಕರು, IISc) ಮತ್ತು ಪ್ರೊ. ಅಶೋಕ್ ಎಂ. ರಾಯಚೂರು (ಕಾರ್ಯದರ್ಶಿ, KSCST) ಅವರ ಸಮ್ಮುಖದಲ್ಲಿ ಪ್ರಧಾನ ಮಾಡಿದರು.
ಕರ್ನಾಟಕ ರಾಜ್ಯದ ಯುವ ವಿಜ್ಞಾನಿಗಳನ್ನು ಗುರುತಿಸಲು ಮತ್ತು ಪ್ರೋತ್ಸಾಹಿಸಲು ಕರ್ನಾಟಕ ಸರ್ಕಾರದಿಂದ ಸರ್ ಸಿ ವಿ ರಾಮನ್ ಯುವ ವಿಜ್ಞಾನಿಗಳ ರಾಜ್ಯ ಪ್ರಶಸ್ತಿಯನ್ನು ಸ್ಥಾಪಿಸಲಾಗಿದೆ. ಡಾ.ಮೋಹನ್ ಅವರು 2016 ರಿಂದ 2023 ರವರೆಗೆ ಮೈಸೂರು ವಿಶ್ವವಿದ್ಯಾನಿಲಯದಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿ ಸೇವೆ ಸಲ್ಲಿಸಿದರು. ಅವರು ಮೇ-2023 ರಲ್ಲಿ CSIR-IITR ನಲ್ಲಿ ಹಿರಿಯ ವಿಜ್ಞಾನಿ ಸ್ಥಾನಕ್ಕೆ ತೆರಳಿದರು. ಡಾ. ಮೋಹನ್ ಅವರು 100 ಕ್ಕೂ ಹೆಚ್ಚು ಸಂಶೋಧನಾ ಪ್ರಬಂಧಗಳನ್ನು ಪ್ರಕಟಿಸಿದ್ದಾರೆ ಮತ್ತು ಕ್ಯಾನ್ಸರ್ ಸಂಶೋಧನೆಯ ಕ್ಷೇತ್ರದಲ್ಲಿ ಐದು ಪೇಟೆಂಟ್‌ ಗಳನ್ನು ಪಡೆದಿದ್ದಾರೆ.
Key words: Dr. Sir CV Raman, State Award for Young Scientist, Mohan
