ಬೆಂಗಳೂರು, ಮಾರ್ಚ್ 23,2025 (www.justkannada.in) : ರಾಜಕೀಯ ಪಕ್ಷಗಳೊಂದಿಗೆ ERO, DEO & CEO ಸಭೆ ನಡೆಸಿ ಭಾರತೀಯ ಚುನಾವಣಾ ಆಯೋಗ ಬಾಕಿಯಿರುವ ಮತದಾನದ ಯಾವುದೇ ರೀತಿಯ ಸಮಸ್ಯೆಗಳನ್ನು ಪರಿಹರಿಸುವುದಕ್ಕೆ ಭಾರತೀಯ ಚುನಾವಣಾ ಆಯೋಗ ಈಗಾಗಲೇ ಸೂಚನೆ ನೀಡಿದೆ.
ನವದೆಹಲಿಯ ಐ.ಐ.ಐ.ಡಿ.ಎಂ ನಲ್ಲಿ ಇದೇ 2025ನೇ ಮಾರ್ಚ್ 04 ರಂದು ಹಮ್ಮಿಕೊಳ್ಳಲಾದ ಭಾರತೀಯ ಮುಖ್ಯ ಚುನಾವಣಾ ಅಧಿಕಾರಿ ಜ್ಞಾನೇಶ್ ಕುಮಾರ್ ನೇತೃತ್ವದೊಂದಿಗೆ ಭಾಗವಹಿಸಿದ್ದ ಡಾ. ಸುಖ್ಬೀರ್ ಸಿಂಗ್ ಸಂಧು ಮತ್ತು ಡಾ. ವಿವೇಕ್ ಜೋಶಿ ಹಾಗೂ ಪ್ರತಿ ರಾಜ್ಯಗಳ ಮುಖ್ಯ ಚುನಾವಣಾಧಿಕಾರಿಗಳ ಸಮ್ಮೇಳನದಲ್ಲಿ ನೀಡಿದ ನಿರ್ದೇಶನದಂತೆ, ಆಯಾ ವಿಧಾನಸಭಾ ಕ್ಷೇತ್ರಗಳಲ್ಲಿ ಬೂತ್ ಮಟ್ಟದಲ್ಲಿ ಬಾಕಿಯಿರುವ ಮತದಾನದ ಯಾವುದೇ ರೀತಿಯ ಸಮಸ್ಯೆಗಳನ್ನು ಪರಿಹರಿಸುವ ಸಂಬಂಧವಾಗಿ ದೇಶಾದ್ಯಂತ ಸುಮಾರು 4123 ಚುನಾವಣಾ ನೋಂದಣಾಧಿಕಾರಿಗಳು ಎಲ್ಲಾ ಪಕ್ಷಗಳೊಂದಿಗೆ ಸಭೆಗಳನ್ನು ನಡೆಸುತ್ತಿವೆ.
ಅಂತೆಯೇ, ಆರ್ ಪಿ ಆಕ್ಟ್ 1950 ಮತ್ತು 1951 ರ ಕಾನೂನು ಚೌಕಟ್ಟಿನೊಳಗೆ ಚುನಾಯಿತ ನಿಯಮಗಳ ನೋಂದಣಿ 1960, ಚುನಾವಣಾ ನಿಯಮಗಳ ನಡವಳಿಕೆ 1961 ಮತ್ತು ಕಾಲಕಾಲಕ್ಕೆ ಭಾರತೀಯ ಚುನಾವಣಾ ಆಯೋಗವು ನೀಡಿದ ಕೈಪಿಡಿಗಳು, ಮಾರ್ಗಸೂಚಿಗಳು ಮತ್ತು ಸೂಚನೆಗಳಂತೆ ಎಲ್ಲಾ 788 ಜಿಲ್ಲಾ ಚುನಾವಣಾ ಅಧಿಕಾರಿಗಳು (ಡಿಇಒ) ಮತ್ತು ಎಲ್ಲಾ 28 ರಾಜ್ಯಗಳ 36 ಮುಖ್ಯ ಚುನಾವಣಾ ಅಧಿಕಾರಿಗಳು (ಸಿಇಒ) ಗಳು ಮತ್ತು ರಾಜ್ಯ ಹಾಗೂ ಕೇಂದ್ರಾಡಳಿತ ಪ್ರದೇಶಗಳ ಮಟ್ಟದಲ್ಲಿ 8 ಕೇಂದ್ರಾಡಳಿತ ಪ್ರದೇಶಗಳು ಸಹ ಬಾಕಿ ಇರುವ ಯಾವುದೇ ಸಮಸ್ಯೆಗಳನ್ನು ಪರಿಹರಿಸಲು ಇಂತಹ ಸಭೆಗಳನ್ನು ನಡೆಸಲು ನಿರ್ದೇಶಿಸಲಾಗಿದೆ.
ಇಡೀ ದೇಶದಲ್ಲಿ ಈ ಸಭೆಗಳು ಈಗಾಗಲೇ ರಾಷ್ಟ್ರೀಯ /ರಾಜ್ಯ ಮಟ್ಟದ ರಾಜಕೀಯ ಪಕ್ಷಗಳ ಸಕ್ರಿಯ ಭಾಗವಹಿಸುವಿಕೆಯೊಂದಿಗೆ ಪ್ರಾರಂಭವಾಗಿದ್ದು 2025 ನೇ ಮಾರ್ಚ್ 31 ರೊಳಗೆ ಪ್ರತಿ ವಿಧಾನಸಭಾ ಕ್ಷೇತ್ರ (Assembly Constituency) ಜಿಲ್ಲೆ ಮತ್ತು ರಾಜ್ಯ ಹಾಗೂ ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಎಲ್ಲಾ ಸಭೆಗಳು ಪೂರ್ಣಗೊಳ್ಳಲಿವೆ.
ರಾಜಕೀಯ ಪಕ್ಷಗಳು ಮತ್ತು ಅವರ ಅಧಿಕೃತ ಪ್ರತಿನಿಧಿಗಳಾದ ಬೂತ್ ಲೆವೆಲ್ ಏಜೆಂಟರು (ಬಿಎಲ್‌ಎಎಸ್), ಮತದಾನ ಏಜೆಂಟರು, ಎಣಿಕೆಯ ಏಜೆಂಟರು ಮತ್ತು ಚುನಾವಣಾ ಏಜೆಂಟರುಗಳು ಚುನಾವಣೆಗಳ ನಡವಳಿಕೆ ಸೇರಿದಂತೆ ವಿವಿಧ ಚುನಾವಣಾ ಪ್ರಕ್ರಿಯೆಗಳಲ್ಲಿ ಭಾಗವಹಿಸಬಹುದಾಗಿದೆ.
ಈ ನಿರ್ದೇಶನಗಳನ್ನು ರಾಜಕೀಯ ಪಕ್ಷಗಳು ಸ್ವಾಗತಿಸಿದ್ದು, ವಿಧಾನಸಭಾ ಕ್ಷೇತ್ರ (Assembly Constituency) ಜಿಲ್ಲೆ ಮತ್ತು ರಾಜ್ಯ ಹಾಗೂ ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಹಮ್ಮಿಕೊಳ್ಳುವ ಸಭೆಗಳಲ್ಲಿ ರಾಜಕೀಯ ಪಕ್ಷಗಳು ಸಕ್ರಿಯವಾಗಿ ಮತ್ತು ಉತ್ಸಾಹಭರಿತ ಭಾಗವಹಿಸುವುದರೊಂದಿಗೆ ಯಾವುದೇ ಬಾಕಿ ಇರುವ ಸಮಸ್ಯೆಯನ್ನು ಸಮಯಕ್ಕೆ ತಕ್ಕಂತೆ ಪರಿಹರಿಸಿಕೊಳ್ಳಲು ಆಯಾ ಚುನಾವಣಾ ಅಧಿಕಾರಿಗಳೊಂದಿಗೆ ನಿರ್ದೇಶನಗಳನ್ನು ಪಡೆಯಲು ಆಯೋಗವು ಎಲ್ಲಾ ರಾಷ್ಟ್ರೀಯ/ರಾಜ್ಯ ರಾಜಕೀಯ ಪಕ್ಷಗಳಿಗೆ ಮನವಿ ಮಾಡಿದೆ.
ರಾಷ್ಟ್ರವ್ಯಾಪಿ ರಾಜಕೀಯ ಪಕ್ಷದ ಸಭೆಗಳ ಫೋಟೋಗಳನ್ನು ಭಾರತೀಯ ಚುನಾವಣಾ ಆಯೋಗದ ಅಧಿಕೃತ ಸಾಮಾಜಿಕ ಜಾಲತಾಣ : https://x.com/ecisveep?ref src = twsrc%5egoogle%7ctwcamp%5eserp%7ctwgr%5eauthor ನಲ್ಲಿ ವೀಕ್ಷಿಸಬಹುದು ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
Key words: ERO, DEO & CEO, hold, meeting, political parties, Election Commission of India
