ಬೆಂಗಳೂರು, ಆಗಸ್ಟ್ 24, 2020 (www.justkannada.in): 2020ನೇ ಸಾಲಿನ ಐಸಿಸಿ ಹಾಲ್ ಆಫ್ ಫೇಮ್ ಪ್ರಶಸ್ತಿಗೆ, ದಕ್ಷಿಣ ಆಫ್ರಿಕಾ ತಂಡದ ಮಾಜಿ ಆಲ್ರೌಂಡರ್ ಜಾಕ್ ಕಾಲಿಸ್, ಪಾಕಿಸ್ತಾನದ ಸ್ಟೈಲಿಶ್ ಬ್ಯಾಟ್ಸ್ಮನ್ ಜಹೀರ್ ಅಬ್ಬಾಸ್, ಭಾರತದ ಪುಣೆ ಮೂಲದ ಆಸ್ಟ್ರೇಲಿಯಾ ತಂಡದ ಮಾಜಿ ಕ್ರಿಕೆಟ್ ಆಟಗಾರ್ತಿ ಲೀಸಾ ಸ್ಟಾಲೇಕರ್ ಐಪಿಸಿ ಹಾಲ್ ಆಫ್ ಫೇಮ್ ಗೌರವಕ್ಕೆ ಭಾಜನರಾಗಿದ್ದಾರೆ.
ಅಂತರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಈ ಮೂವರು ಆಟಗಾರರ ಜೀವಮಾನ ಸಾಧನೆಗೆ ಹಾಲ್ ಆಫ್ ಫೇಮ್ ಲಭಿಸಿದೆ. ಕೊರೊನಾ ಆತಂಕದಿಂದಾಗಿ ವರ್ಚುವಲ್ ಮೂಲಕ ಕಾರ್ಯಕ್ರಮವನ್ನ ಐಸಿಸಿ ಆಯೋಜಿಸಿತ್ತು.
ಭಾರತದ ಮಾಜಿ ಕ್ರಿಕೆಟಿಗ ಸುನೀಲ್ ಗವಾಸ್ಕರ್, ಸೌತ್ ಆಫ್ರಿಕಾದ ಮಾಜಿ ಬೌಲರ್ ಶಾನ್ ಪೊಲಾಕ್, ವಾಸೀಂ ಅಕ್ರಮ್, ಗ್ರೇಮ್ಸ್ಮಿತ್ ಉಪಸ್ಥಿತರಿದ್ದರು. ಈ ಬಗ್ಗೆ ಜಾಕ್ ಕಾಲಿಸ್ ಹಾಲ್ ಆಫ್ ಫೇಮ್ ಗೌರವಕ್ಕೆ ಪಾತ್ರರಾಗಿದ್ದಕ್ಕೆ ಸಂತಸ ವ್ಯಕ್ತಪಡಿಸಿದ್ದಾರೆ.
