ಮುಂಬೈ,ಮೇ,23,2022(www.justkannada.in): ಐಪಿಎಲ್ 2022 (IPL 202)ರ ಪ್ಲೇ ಆಫ್ ಸುತ್ತು ನಾಳೆಯಿಂದ ಆರಂಭವಾಗಲಿದ್ದು ಫ್ಲೇಆಫ್ ಮತ್ತು ಫೈನಲ್ ಗೆ ಹೊಸ ನಿಯಮ ಜಾರಿ ಮಾಡಲಾಗಿದೆ.
ಮೊದಲ ಕ್ವಾಲಿಫೈಯರ್‌ ನಲ್ಲಿ ಗುಜರಾತ್ ಟೈಟಾನ್ಸ್ ಮತ್ತು ರಾಜಸ್ಥಾನ್ ರಾಯಲ್ಸ್ , ಬುಧವಾರ ಲಕ್ನೋ-ಬೆಂಗಳೂರು ನಡುವೆ ಎಲಿಮಿನೇಟರ್ ಪಂದ್ಯ ನಡೆಯಲಿದೆ.
ಐಪಿಎಲ್ 2022 ರ ಹೊಸ ನಿಯಮಗಳ ಪ್ರಕಾರ, ಪ್ಲೇಆಫ್ ಪಂದ್ಯಗಳು ಹವಾಮಾನ ವೈಪರಿತ್ಯಕ್ಕೆ ಸಿಲುಕಿದರೆ ಮತ್ತು ಪಂದ್ಯವನ್ನು ನಿಗದಿತ ಸಮಯಕ್ಕೆ ನಡೆಸಲು ಸಾಧ್ಯವಾಗದಿದ್ದರೆ, ಸೂಪರ್ ಓವರ್ ಮೂಲಕ ವಿಜೇತರನ್ನು ನಿರ್ಧರಿಸಲಾಗುತ್ತದೆ. ಆದರೆ ಸೂಪರ್ ಓವರ್ ಕೂಡ ಆಡಲಾಗದಿದ್ದರೆ, ಲೀಗ್ ಹಂತದಲ್ಲಿ ಉತ್ತಮ ಪ್ರದರ್ಶನ ನೀಡಿದ ತಂಡವನ್ನು ವಿಜೇತ ಎಂದು ಘೋಷಿಸಲಾಗುತ್ತದೆ ಎಂದು ಬಿಸಿಸಿಐ ತಿಳಿಸಿದೆ.
