ಬೆಂಗಳೂರು, ಜುಲೈ 28, 2021 (www.justkannada.in): ಇದೇ ತಿಂಗಳ 29 ರಂದು ಅಧೀರ ಅವತಾರಿ ನಟ ಸಂಜಯ್ ದತ್ 62ನೇ ವಸಂತಕ್ಕೆ ಕಾಲಿಡಲಿದ್ದಾರೆ.
ವಿಶೇಷ ಬರ್ತ್ ಡೇ ಅಲ್ಲ. ಕೆಜಿಎಫ್ ನಲ್ಲಿ ಸಂಜಯ್ ದತ್ತ ಅವತಾರ ನೋಡುವ ಅವಕಾಶ ಸಿಗುತ್ತಾ ಎಂಬುದು!
ಹೌದು. ಕಳೆದ ವರ್ಷ ಸಂಜು ಬಾಬಾ ಅವರ ಹುಟ್ಟುಹಬ್ಬದಂದು ರಗಡ್ ಲುಕ್ ಅನಾವರಣಗೊಳಿಸಿ ಸರ್ಪ್ರೈಸ್ ನೀಡಿದ್ದ ನಿರ್ದೇಶಕ ಪ್ರಶಾಂತ್ ನೀಲ್, ಈ ಬಾರಿ ಟೀಸರ್ವೊಂದನ್ನು ಬಿಡುಗಡೆ ಮಾಡಲಿದ್ದಾರೆ ಎನ್ನಲಾಗಿದೆ.
ಈ ಹಿಂದೆ ಪ್ರಶಾಂತ್ ನೀಲ್, ‘ಅಧೀರ’ ಪಾತ್ರದ ಪೋಸ್ಟರ್ ಹಾಗೂ ಸಣ್ಣ ವಿಡಿಯೋ ತುಣುಕು ಪ್ರದರ್ಶಿಸಿ ಕೆಜಿಎಫ್ ರಿಲೀಸ್ ಮಾಡಿತ್ತು. ಇದೀಗ ಜುಲೈ 29 ರಂದು ಅಧೀರನ ಮತ್ತೊಂದು ಮುಖ ಅನಾವರಣಗೊಳಿಸಲಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
ಕೆಜಿಎಫ್ ಚಾಪ್ಟರ್-2ನಲ್ಲಿ ಅಧೀರನಿಗಾಗಿ ವಿಶೇಷ ಹಾಡೊಂದನ್ನು ಸಂಯೋಜಿಸಲಾಗಿದ್ದು, ಈ ಹಾಡಿನ ಸಣ್ಣ ಟೀಸರ್ನ ಮೂಲಕ ಸಂಜು ಬಾಬಾನಿಗೆ ಬರ್ತ್ಡೇ ಗಿಫ್ಟ್ ನೀಡಲು ಪ್ರಶಾಂತ್ ನೀಲ್ ಅಯಂಡ್ ಟೀಮ್ ಪ್ಲ್ಯಾನ್ ಹಾಕಿಕೊಂಡಿದೆ ಎನ್ನಲಾಗಿದೆ.
