ಮೈಸೂರು, ಜ.22, 2021 : (www.justkannada.in news): ಸಂಸದೆ ಸುಮಲತಾ ಅಂಬರೀಷ್ ವರ್ತನೆ ವಿರುದ್ಧ ಮಂಡ್ಯದ ರೈತರು ಅಸಮಧಾನ ವ್ಯಕ್ತಪಡಿಸಿದ್ದಾರೆ. ಮಂಡ್ಯದ ಶುಗರ್ ಫ್ಯಾಕ್ಟರಿಯಲ್ಲಿ ಪುತ್ರನ ಸಿನಿಮಾದ ಚಿತ್ರೀಕರಣ ನಡೆಸುತ್ತಿರುವುದು ಈಗ ವಿವಾದಕ್ಕೆ ಎಡೆ ಮಾಡಿದೆ.
ಸ್ಥಗಿತಗೊಂಡಿರುವ ಕಾರ್ಖಾನೆ ಪುನರಾರಂಭಿಸಬೇಕಾದ ಸಂಸದರು, ಆ ಬಗ್ಗೆ ಗಮನ ಹರಿಸದೆ, ಮುಚ್ಚಿರುವ ಫ್ಯಾಕ್ಟರಿಯಲ್ಲಿ ಪ್ರಭಾವ ಬಳಸಿ ಪುತ್ರನ ಸಿನಿಮಾ ( ಬ್ಯಾಡ್ ಮ್ಯಾನರ್ಸ್ )ಚಿತ್ರೀಕರಣ ನಡೆಸುತ್ತಿದ್ದಾರೆ. ಇದು ಎಷ್ಟು ಸರಿ ಎಂಬುದು ರೈತರ ಪ್ರಶ್ನೆ.
ರೈತರ ಈ ಆಕ್ರೋಶಕ್ಕೆ ತೀಕ್ಷಣವಾಗಿಯೇ ಪ್ರತ್ಯತ್ತರ ನೀಡಿರುವ ಸಂಸದೆ ಸುಮಲತಾ, ಚಿತ್ರೀಕರಣ ವಿರೋಧಿಸುತ್ತಿರುವವರಿಗೆ ಬುದ್ದಿ ಬೇಡ, ಕನಿಷ್ಠ ಜ್ಞಾನ ( ಕಾಮನ್ ಸೆನ್ಸ್ ) ಆದ್ರು ಇರಬೇಕಿತ್ತು. ಮಂಡ್ಯ ಶುಗರ್ ಫ್ಯಾಕ್ಟರಿಯಲ್ಲಿ ಇದೇ ಮೊದಲು ಚಿತ್ರೀಕರಣ ಮಾಡುತ್ತಿಲ್ಲ. ಈ ಹಿಂದೆಯೂ ಶಿವಣ್ಣ, ಸುದೀಪ್ ರ ಸಿನಿಮಾಗಳ ಶೂಟಿಂಗ್ ನಡೆದಿದೆ. ಆಗೆಲ್ಲಾ ಇಲ್ಲದ ವಿರೋಧ ಈಗ ಏಕೆ..? ಎಂದು ಪ್ರಶ್ನಿಸಿ, ಸುಮ್ನೆ ಸುಮಲತಾ ವಿರೋಧ ಮಾಡಿದ್ರೆ ಪ್ರಚಾರ ಸಿಗುತ್ತೆ ಅನ್ನೋ ಸಲುವಾಗಿ ನನ್ನನ್ನು ವಿರೋಧಿಸುತ್ತಿದ್ದಾರೆ ಎಂಬ ಹೇಳಿಕೆ ನೀಡಿದ್ದಾರೆ.
ಸಂಸದೆ ಸುಮಲತಾ ಹೇಳಿಕೆಗೆ ಮಂಡ್ಯದ ರೈತರು ಅಸಮಧಾನ ವ್ಯಕ್ತಪಡಿಸಿದ್ದಾರೆ. ಸ್ಯಾಂಡಲ್ ವುಡ್ ಚಿತ್ರ ನಿರ್ದೇಶಕ, ಹಾಲಿ ಪ್ರಗತಿಪರ ರೈತ ‘ ನೆನಪಿರಲಿ’ ರತ್ನಜ, ಸಂಸದರ ನಡೆಗೆ ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಈ ಬಗ್ಗೆ ಫೇಸ್ ಬುಕ್ ನಲ್ಲಿ ಅಭಿಪ್ರಾಯ ಹಂಚಿಕೊಂಡಿರುವ ರತ್ನಜ, ಸಂಸದರು ಹೇಳುತ್ತಿರುವುದು ಸತ್ಯವಾದ ಮಾತು. ಯಾಕಂದ್ರೆ ಇವಮ್ಮನಿಗೆ ಓಟು ಹಾಕಿ ಗೆಲ್ಲಿಸಿದ ಮಂಡ್ಯದ ಜನತೆಗೆ ಕಾಮನ್ ಸೆನ್ಸ್ ಕಮ್ಮಿನೆ ( ನನ್ನನ್ನು ಸೇರಿದಂತೆ ) ಎಂದು ವ್ಯಂಗ್ಯವಾಡಿದ್ದಾರೆ.
00000
key words : mandya-mp-sumalatha-ambarish-formers-oppose-film-shooting-sugar-factory
