ಮೈಸೂರು,ಅಕ್ಟೋಬರ್,2,2020(www.justkannada.in): ಐಪಿಎಲ್ ಬೆಟ್ಟಿಂಗ್ ದಂಧೆ ನಡೆಸುತ್ತಿದ್ದ ಎಂಟು ಮಂದಿ ಯುವಕರನ್ನ ನಗರದ ವಿದ್ಯಾರಣ್ಯಪುರಂ ಠಾಣಾ ಪೊಲೀಸರು ಬಂಧಿಸಿದ್ದಾರೆ.
ಗುರುಪ್ರಸಾದ್, ಅರುಣ್, ಪವನ್, ವಿನೋದ್, ವಿನೋದ್ ರಾಜ್, ಗಜೇಂದ್ರ, ಮೋಹನ್ ಬಂಧಿತರು. ಬಂಧಿತರು ಪೋಲಿಸರ ಕಟ್ಟೆಚ್ಚರದ ನಡುವೆಯೂ ಐಪಿಎಲ್ ಬೆಟ್ಟಿಂಗ್ ದಂಧೆಯಲ್ಲಿ ತೊಡಗಿದ್ದರು. ಜೆಪಿ ನಗರದ ಕೊನೆ ಬಸ್ ನಿಲ್ದಾಣ ಬಳಿ ಸಾಯಿ ಟೀ ಹಿಂಭಾಗ ದಂಧೆಕೋರರು ಬೆಟ್ಟಿಂಗ್ ನಡೆಸುತ್ತಿದ್ದರು.
ಈ ವೇಳೆ ಎಸಿಪಿ ಪ್ರಭಾಕರ್, ಇನ್ಸ್‌ಪೆಕ್ಟರ್ ಡಿ ಮಂಜುನಾಥ್, ಎಸ್ ಸಿ ಮಂಜುನಾಥ್, ರವಿ, ಸುನೀಲ್, ರಮೇಶ್,ಸೇರಿದಂತೆ ಐದು ಮಂದಿ ಪೊಲೀಸರ ತಂಡ ಕಾರ್ಯಾಚರಣೆ ನಡೆಸಿ ಎಂಟು ಮಂದಿ ಜೂಜುಕೋರರನ್ನ ಬಂಧಿಸಿದ್ದಾರೆ. ಬಂಧಿತರಿಂದ 9810. ರೂ ಹಣ 8 ಮೊಬೈಲ್ ಮತ್ತು 5 ಬೈಕ್ ಅನ್ನು ವಶಕ್ಕೆ ಪಡೆಯಲಾಗಿದೆ. ಈ ಕುರಿತು ವಿದ್ಯಾರಣ್ಯಪುರಂ ಪೊಲೀಸ್ ಠಾಣೆಯಲ್ಲಿ ಎಫ್ ಐ ಆರ್ ದಾಖಲಾಗಿದೆ.
Key words: Mysore-Arrest –eight- youths – IPL betting
