ಮೈಸೂರು,ಜೂನ್,7,2024 (www.justkannada.in): ಭಾರತೀಯ ಭಾಷಾ ಸಂಸ್ಥಾನವು ದಿನಾಂಕ ಇದೇ ಜೂನ್ 10 ರಿಂದ ಜೂನ್ 12ರವರೆಗೆ ಮೂರು ದಿನಗಳ ಭಾರತದ ಶಾಸ್ತ್ರೀಯ ಭಾಷೆಗಳ ರಾಷ್ಟ್ರೀಯ ಸಮ್ಮೇಳನ (ಸಿಸಿಎಲ್ಐ-24) ವನ್ನು ಹಮ್ಮಿಕೊಂಡಿದೆ.
ಸಮ್ಮೇಳನದ ಉದ್ಘಾಟನಾ ಸಮಾರಂಭವು ದಿನಾಂಕ ಜೂನ್ 10 ರಂದು ಬೆಳಗ್ಗೆ 10:00 ರಿಂದ 11:30ರವರೆಗೆ ಸಂಸ್ಥೆಯ ಪ್ರಿವ್ಯೂ ಥಿಯೇಟರ್‌ನಲ್ಲಿ ಜರುಗಲಿದೆ.
ಪ್ರೊ. ಉದಯ ನಾರಾಯಣ ಸಿಂಗ್, ಡೀನ್, ಕಲಾ ನಿಕಾಯ ಹಾಗೂ ಮುಖ್ಯಸ್ಥರು ಮತ್ತು ಪ್ರಾಧ್ಯಾಪಕರು, ಭಾಷಾಶಾಸ್ತ್ರ ವಿಭಾಗ, ಅಮಿಟಿ ವಿಶ್ವವಿದ್ಯಾಲಯ, ಗುರ್ಗಾಂವ್ ಇವರು ಮುಖ್ಯ ಅತಿಥಿಗಳಾಗಿದ್ದು ಈ ಸಮ್ಮೇಳನದ ಉದ್ಘಾಟನಾ ಭಾಷಣವನ್ನು ನೆರವೇರಿಸಲಿದ್ದಾರೆ. ಸಮ್ಮೇಳನದ ಗೌರವಾನ್ವಿತ ಅತಿಥಿಗಳಾಗಿ, ನವದೆಹಲಿಯ ಕೇಂದ್ರೀಯ ಸಂಸ್ಕೃತ ವಿಶ್ವವಿದ್ಯಾಲಯದ ಉಪಕುಲಪತಿ, ಪ್ರೊ. ಶ್ರೀನಿವಾಸ ವರಖೇಡಿ ಉಪಸ್ಥಿತರಿರವರು.
ಭಾರತೀಯ ಭಾಷಾ ಸಂಸ್ಥಾನದ ನಿರ್ದೇಶಕರಾದ ಪ್ರೊ.ಶೈಲೇಂದ್ರ ಮೋಹನ್ ಈ ಉದ್ಘಾಟನಾ ಸಮಾರಂಭದ ಅಧ್ಯಕ್ಷತೆಯನ್ನು ವಹಿಸಲಿದ್ದಾರೆ.
Key words: National Conference, Classical, Languages,India, mysore
