ಬೆಂಗಳೂರು, ಜುಲೈ 28, 2022 (www.justkannada.in): ನಟಿ ಸಾಯಿ ಪಲ್ಲವಿ ನಟನೆಯ ‘ಗಾರ್ಗಿ’ ಚಿತ್ರ ಒಟಿಟಿಯಲ್ಲಿ ರಿಲೀಸ್ ಆಗಲು ಕಾಲ ಕೂಡಿ ಬಂದಿದೆ.
ಆಗಸ್ಟ್ 2ನೇ ವಾರದಲ್ಲಿ ‘ಸೋನಿ ಲಿವ್’ ಮೂಲಕ ಈ ಸಿನಿಮಾ ಬಿತ್ತರ ಆಗಲಿದೆ ಎಂಬ ಸುದ್ದಿ ಹೊರಬಿದ್ದಿದೆ.
‘ಗಾರ್ಗಿ’ ಸಿನಿಮಾ ಮೇಲೆ ಸಾಯಿ ಪಲ್ಲವಿ ಹೆಚ್ಚು ನಿರೀಕ್ಷೆ ಇಟ್ಟುಕೊಂಡಿದ್ದರು. ಸದ್ದು ಗದ್ದಲ ಇಲ್ಲದೇ ಶೂಟಿಂಗ್ ಮುಗಿಸಿದ ಚಿತ್ರ ಥೀಯೇಟರ್ ಗಳಲ್ಲಿ ರಿಲೀಸ್ ಆಗಿತ್ತು. ಆದರೆ ಚಿತ್ರ ಚಿತ್ರಮಂದಿಗಳಲ್ಲಿ ಹೆಚ್ಚು ಸದ್ದು ಮಾಡಲಿಲ್ಲ.
ತಂದೆ-ಮಗಳ ನಡುವಿನ ಬಾಂಧವ್ಯದ ಕಥೆ ಇರುವ ಈ ಸಿನಿಮಾ ಜುಲೈ 15ರಂದು ತೆರೆಕಂಡಿತು. ಚಿತ್ರಕ್ಕೆ ಉತ್ತಮ ವಿಮರ್ಶೆ ವ್ಯಕ್ತವಾಗಿದ್ದರೂ ಗಳಿಕೆ ವಿಷಯದಲ್ಲಿ ಹೆಚ್ಚು ಸದ್ದು ಮಾಡಲಿಲ್ಲ.
ಮೂಲಗಳ ಪ್ರಕಾರ ‘ಗಾರ್ಗಿ’ ಚಿತ್ರದ ಒಟಿಟಿ ಹಕ್ಕುಗಳನ್ನು ‘ಸೋನಿ ಲಿವ್’ ಖರೀದಿಸಿದೆ. ಆಗಸ್ಟ್ ಎರಡನೇ ವಾರದಲ್ಲಿ ಇದರ ಸ್ಟ್ರೀಮಿಂಗ್ ಆರಂಭಿಸಲಿದೆ ಎನ್ನಲಾಗುತ್ತಿದೆ.
