ಕೋಲಾರ,ಆ,27,2019(www.justkannada.in): ನಟ ರಾಕಿಂಗ್ ಸ್ಟಾರ್ ಯಶ್ ನಾಯಕನಾಗಿ ನಟಿಸುತ್ತಿರುವ ಕೆಜಿಎಫ್-2 ಚಿತ್ರದ ಚಿತ್ರೀಕರಣಕ್ಕೆ ಕೋಲಾರ ಕೆಜಿಎಫ್ ಸಿವಿಲ್ ಕೋರ್ಟ್ ತಡೆಯಾಜ್ಞೆ ನೀಡಿದೆ.
ಕೋಲಾರದ ಕೆ ಜಿ ಎಫ್ ನ ಕೆನಿಡೀಸ್ ಸೈನೈಡ್ ಗುಡ್ಡದಲ್ಲಿ ಚಿತ್ರೀಕರಣಕ್ಕೆ ಕೆಜಿಎಫ್ -2 ಚಿತ್ರತಂಡ ಸೆಟ್ ಹಾಕಿತ್ತು. ಸೈನೈಡ್ ಗುಡ್ಡದಲ್ಲಿ ಚಿತ್ರೀಕರಣಕ್ಕೆ ಸೆಟ್ ಹಾಕುವ ವೇಳೆ ಮರಗಿಡಗಳಿಗೆ ತೊಂದರೆಯಾಗಿದೆ. ಇದರಿಂದಾಗಿ ಪರಿಸರಕ್ಕೆ ಹಾನಿಯಾಗುತ್ತದೆ. ಸಾರ್ವಜನಿಕರಿಗೆ ತೊಂದರೆಯಾಗುತ್ತದೆ. ಹೀಗಾಗಿ ಕೆಜಿಎಫ್-2 ಚಿತ್ರದ ಶೂಟಿಂಗ್ ಗೆ ತಡೆ ನೀಡಬೇಕೆಂದು ಶ್ರೀನಿವಾಸ್ ಎಂಬುವವರು ಕೋರ್ಟ್ ಗೆ ಅರ್ಜಿ ಸಲ್ಲಿಸಿದರು.
ಕೋಲಾರದ ಕೆಜಿಎಫ್ ನಲ್ಲಿ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ, ಕೆಜಿಎಫ್ 2 ಚಿತ್ರದ ಚಿತ್ರೀಕರಣವನ್ನು ಸೈನೈಡ್ ಗುಡ್ಡದಲ್ಲಿ ಚಿತ್ರೀಕರಣ ಮಾಡಲಾಗುತ್ತಿತ್ತು. ಇಂತಹ ಶೂಟಿಂಗ್ ಗೆ ತಡೆ ನೀಡಬೇಕು. ಸೈನೈಡ್ ಗುಡ್ಡದಲ್ಲಿ ಶೂಟಿಂಗ್ ಗೆ ಅವಕಾಶ ನೀಡಬಾರದು ಎಂದು ಶ್ರೀನಿವಾಸ್ ಎಂಬುವರು ಕೋಲಾರದ ಕೆಜಿಎಫ್ ನ ಸಿವಿಲ್ ಕೋರ್ಟ್ ನಲ್ಲಿ ಅರ್ಜಿ ಸಲ್ಲಿಸಿದ್ದರು.
ಈ ಕುರಿತು ವಿಚಾರಣೆ ನಡೆಸಿದ ಕೆಜಿಎಫ್ ನ ಸಿವಿಲ್ ಕೋರ್ಟ್ , ಶ್ರೀನಿವಾಸ್ ಎಂಬುವರು ಸಲ್ಲಿಸಿದ್ದ ಅರ್ಜಿಯನ್ನು ಪರಿಗಣಿಸಿ, ಕೋಲಾರದ ಕೆಜಿಎಫ್ ನ ಸೈನೈಡ್ ಗುಡ್ಡದಲ್ಲಿ ನಡೆಸಲಾಗುತ್ತಿದ್ದ ಶೂಟಿಂಗ್ ನಡೆಸದಂತೆ ತಡೆ ನೀಡಿ, ಚಿತ್ರತಂಡಕ್ಕೆ ನೋಟೀಸ್ ಜಾರಿ ಮಾಡಿದೆ. ಹೀಗಾಗಿ ನಟ ಯಶ್ ಅಭಿನಯದ ಕೆಜಿಎಫ್ – 2 ಚಿತ್ರೀಕರಣಕ್ಕೆ ಬ್ರೇಕ್ ಬಿದ್ದಿದೆ.
Key words: kolar-civil Court -order stay-shooting –KGF-2 -film
