ಸಿಂಗಾಪುರ, ಫೆಬ್ರವರಿ 6, 2019 (www.justkannada.in): ನಟಿ ಕಾಜಲ್ ಅಗರ್ವಾಲ್ ಅವರ ಮೇಣದ ಪ್ರತಿಮೆ ಮೇಡಂ ಟುಸ್ಸಾಡ್ಸ್ನಲ್ಲಿ ಲೋಕಾರ್ಪಣೆಯಾಗಿದೆ.
ಹೌದು. ಸಿಂಗಪೂರ್ನಲ್ಲಿರುವ ಮೇಡಂ ಟುಸ್ಸಾಡ್ಸ್ ಮೇಣದ ಪ್ರತಿಮೆಗಳ ಮ್ಯೂಸಿಯಂನಲ್ಲಿರೋ ಭಾರತದ ಗಣ್ಯರ ಸಾಲಿಗೆ ಇದೀಗ ದಕ್ಷಿಣ ಭಾರತದ ನಟಿ ಕೂಡ ಸೇರಿದ್ದಾರೆ.
ಕಾಜಲ್, ಪೋಷಕರು ಮತ್ತು ಸಹೋದರಿಯ ಜೊತೆ ಆಗಮಿಸಿ ಸ್ಟ್ಯಾಚೂ ಅನಾವರಣಗೊಳಿಸಿದ್ದಾರೆ. ಸದ್ಯ ಕಾಜಲ್, ಶ್ರೀದೇವಿ, ಅನುಷ್ಕಾ ಶರ್ಮಾ, ಪ್ರಭಾಸ್, ಮಹೇಶ್ ಬಾಬು ಮತ್ತು ಕರಣ್ ಜೋಹರ್ ಸಾಲಿಗೆ ಸೇರಿದ್ದಾರೆ.
ಇವರೆಲ್ಲರ ಮೇಣದ ಪ್ರತಿಮೆಗಳು ಈಗಾಗಲೇ ಮ್ಯೂಸಿಯಂನಲ್ಲಿ ಅನಾವರಣಗೊಂಡಿವೆ. ಇನ್ನು, ತಮ್ಮ ಮೇಣದ ಪ್ರತಿಮೆ ಜೊತೆ ಕಾಜಲ್ ಪೋಸ್ ಕೊಟ್ಟಿದ್ದು, ಆ ಫೋಟೋವನ್ನ ಟ್ವಿಟರ್ನಲ್ಲಿ ಶೇರ್ ಮಾಡಿದ್ದಾರೆ.
